عشق الادهم بقلم ماهي عاطف
غيرى تاخد منها الى مش بتخده منى مش دى الحقيقه ياأدهم
أدهم بۏجع منها وعرفتى بقى كل الحقايق دى منين ياهمس شوفتينى مع حد
همس مش محتاجه اشوف انت عملت زى مالاولانى عمل معاملتك الى اتغيرت سهرك بره تليفونك يرن تجرى بره هستنى ايه اما القيك جاى تقولى معلش انا بحب واحده وهتجوزها
أدهم فهم كل حاجه عقلها صورلها انه بدال مضايق وتاخر بره يبقى بېخونها هو عزرها همس بقى عندها مرض الشك بس اتوجع منها لدرجادى مش حاسه بحبه ليها
مجاش فى دماغك انى عندى مشكله انى فى مصېبه طب اسالينى قبل ماتقررى اسالينى يمكن كنت اطلع مظلوم بس ليه مانا الحق اسيبه قبل مايسبنى هو ومش مهم اى حاجه تانيه صح ياهمس مش ده تفكيرك
ادهم كمل بصوت عالى ممكن اعرف ايه دليلك انى خاېن وواطى وندل
همس بصتله قوى التليفون الى جالك الصبح ونزلت بعدها ولسه جاى
أدهم مسك تليفونه وجاب مكالمة اسر طبعا فاكره كانت الساعه كام بصى كده مين الى اتصل بيا
همس بصت لقيته اسر سكتت
أدهم سكتى ليه مش برده هى دى المكالمه الى قولتى عليها دليلك انى خاېن
أدهم ابقى اساليه علشان الرجل الخاېن الى زيى بيبقى كداب عموما ابقى اتكلمى
مع اخوكى واعرفى منه كل حاجه وبعدين ابقى قررى عايزه الطلاق امتى
أدهم دخل اوضته وسابها مصدومه مش عارفه تفكر ايه الى حصل وكان مع اسر لحد دلوقت ليه دخلت اوضتها تحاول تنام معرفتش لحد النهار ماطلع قامت على صوت الباب بيقفل كان أدهم نزل صحت عيالها و اخدتهم وراحت لاسر
اسر فتح الباب لقها همس همس تعالى انتى حلمتى بيا ولا ايه
همس دخلت اسر انت كنت مع أدهم امبارح بليل
اسر فى ايه ياهمس
همس رد عليا الاول يااسر انت كنت معاه لحد بليل
اسر اه ياهمس كنت معاه ايه المشكله انتوا اتخنقتوا
همس بندم اه وطلبت الطلاق
اسر بزهول ليه ياهمس
همس علشان كنت حاسه انه بيخونى بقاله فتره متغير معايا وتفكيرى مجبنيش الا لكده
همس مش فاهمه حاجه يعنى ايه قالب الدنيا علشانى انا وعيالى
اسر صوته علا ونور خرجت على صوته وحولت تهديه معرفتش محمد طلقيك ياهانم
همس قامت وقفت ماله ومال ادهم بيه
اسر حاكلها كل حاجه وهى واقفه تسمع وحاسه ان دماغها خلاص هتتشل يعنى ايه هو عامل كل ده علشانها هى وعيالها وهى تقوله خاېن
عمرك ماهتلاقى حد يحبك قد أدهم
اسر سابها ودخل اوضته ونور واقفه مش عارفه تعمل ايه
همس دموعها نزلت زى الشلال وقامت اخدت عيالها وروحت مش عارفه تعمل ايه
نور دخلت لاسر انت كنت قاسى عليها قوى يااسر
اسر همس لازم تفوق يانور لازم تحس بقيمه ادهم قبل ماضيعه من ايديها تعرفى انهم عايش مع بعض اخوات
نور معقوله ازاى وعرفت منين
اسر بالصدفه سمعت حور بتتكلم مع ادم وبتقول انهم بيناموا كل واحد فى اوضه وان لازم علشان هما بنت وولد لازم يناموا زيهم كل واحد لوحده وادهم مشتكاش يبقى ده خاېن ازاى
نور معلش يااسر ربنا يهديها
اسر يارب يانور تفوق قبل ماضيع أدهم من اديها
همس روحت ودموعها موقفتش وفضلت مستنيه أدهم ومش عارفه هو ممكن يسامحها استنيته كتير وشويه والباب اتفتح ادهم دخل مابصش عليها ودخل على الاوضه الكبيره همس قامت وراه لقيته بيحضر شنطه قلبها وقع ودموعها نزلت تانى وراحته
همس أدهم انا اسفه
أدهم مردش عليها
همس انا عارفه انى غبيه وقولت كلام كله غباء بس سامحنى ياأدهم انا مابقتش عارفه افكر ولا اتعامل ازاى
أدهم قلبه وجعه عليها ومش متحمل دموعها بس لازم يعقبها يمكن تفوق من اوهمها
همس كملت بدموعها أدهم ارجوك رد عليا طيب متسبش البيت وتمشى
أدهم خلاص جاب اخره وقف قصدها ومد ايده مسح دموعها قولتلك قبل كده بلاش دموع وبعدين انا مسافر شغل يومين وراجع
همس يعنى انت سامحتنى على كلامى
ادهم لما ارجع نتكلم ياهمس انا متاخر دلوقت عن اذنك
ادهم نزل ڠصب عنه مش قادر يستحمل يشوفها كده بس لازم يعمل كده همس لازم تعيش حياتها عادى زى اى ست من غير شكوك
همس قعدت مع نفسها كفايه ياهمس هتفضلى تعذبى فيه لحد امتى وهو هيفضل متحمل لامتى فوقى بقى وأديكى شوفتى ربنا جابلك حقك من الى ظلمك تقومى انتى تروحى تظلمى البنى ادم الى حبك وبيعمل علشانك كل حاجه حلوه كفايه بقى فوقى لنفسك قبل فوات الاوان
عدوا اليومين الى أدهم سافر فيهم كانت همس الندم ماليها وخصوصا انه رغم الى عملته كان بيتصل كل يوم يطمن عليهم ويشوفهم محتاجين حاجه ولا لا بس محولش يتكلم معاها فى اكتر من كده واتاكدت ان عمرها مهتلاقى راجل زيه ابدا هديت وقررت تصلح من نفسها فضلت مستنيه أدهم لحد ما شافت عربيته وصلت من البلكونه قلبها دق بسرعه وخاڤت يكون مش هيسامحها بس قررت تحارب عشانه فضلت مستنيه ولما لقيته اتاخر لبست اسدالها وطلعت من الباب تبص عليه لمحته واقف فى الدور الى تحت مع سوزى الغيره ولعت فيها قربت شويه يمكن تسمع بيقولوا ايه
أدهم كان طالع لاقى الاسانسير عطلان لف وطلع على السلم شافته سوزى
فتحت الباب ووقفت قصاده وبدلع اذيك ياأدهم عامل ايه
أدهم بصلها بقرف اهلا وسابها وكان طالع مسكت ايده
سوزى مستعجل ليه ماتجى تشرب حاجه عندى
أدهم زق اديها وكلمها بقرف ايدك لو اتمدت تانى هطعهالك سمعانى انا راجل متجوز واحده بمليون من عينتك مافيش واحده فى الكون تملى عينى غيرها وبس واحسنلك ماتحوليش معايا تانى
وسابها وطلع كل ده همس سمعته وكانت طايره من الفرح من كلامه بس فى نفس الوقت زعلت من نفسها ازاى راجل زى ده تعمل فيه كده
أدهم فتح الباب لقاها واقفه
