اسكربيت بقلم اية عامر

اتصال ورديت...
حسناء بضيق أستاذ زين بعد اذنك تعالا خد العربية انا خلصتها بقالي كتير ويحيي كلم حضرتك اكتر من مره... لو معندكش وقت ابعتلي عنوان حضرتك وأنا هبعتها مع حد... التصليح تمنه 950 جنيه ومبناخدش بقشيش من حد... و يريت لو هتيجي يكون قبل الساعة اربعه سلام...
زين طب استني... ايديلي فرصة أتكلم!!!
قفلت في وشي... م اكيد هتقفل في وشي بعد تصرفي معاها.... 
فضلت قاعد بفكر... ساعة والتانيه والتالته لحد الساعة خمسة ونص... خرجت بعد م اخدت مفاتيح عربية اخويا منه ومهتمتش للساعة... 
بعد شوية وصلت للورشة لقيتها مقفوله...روحت علي بيتها لقيت دوشة اولاد بيقرأوا مع بعض... 

بصيت لقيت عدد من الاولاد حواليها بيسمعوا وقافلين الكتب وهي واقفه بتبصلهم بحذر.... 
بس الفرق اني مشوفتش الاسطي حسن... لأول مره شوفت حسناء... بنت جميلة لابسه فستان زهري وطرحه بيج... 
كانت جميلة عكس م كنت متصور... ورقيقه اوي علي كلمه الاسطي!!!!
زين حسناء
حسناء استنوا ي ولاد... راجعوا علي ارجعلكم... 
خرجت وبصتلي ب ضيق...
حسناء مش قولتلك تعالا قبل الساعة اربعه...
سحبت مفاتيح متعلقه وقالتلي اجي وراها... 
خرجت وراها لحد م وصلت للورشة وفتحت وخرجت عربيتي... وسلمتلي المفاتيح... 
اديتلها الفلوس ألف جنية... عدتهم واخدتهم جوا وخرجت بعد شوية وادتني خمسين جنية...
زين خليهم ليكي..
حسناء قولتلك مبخدش بقشيش...
زين طب اديهم ل يحيي...
حسناء ولا يحيي بياخد... ولو سمحت متندهليش حسناء تاني... انا الاسطي حسن صاحبه الورشة دي وفي خدمتك ي باشا... بعد اذنك...
زين حسناء... انا محتاجلك...
حسناء نعم!!
زين ألاقي شغل عندك لواحد زيي!!
حسناء لا مش فاهمه
زين انا عاطل عن العمل وعايز اشتغل عندك لو متدرب حتي!!!
حسناء وابن البشوات هيتشغل هنا لية
زين عشان البشوات طردوه من الشغل... ابويا شايف اني مهمل ومش قد المسئولية..
حسناء بسخرية مستعجباه جدا!!
زين شايف اني مش راجل... وانا عارف انك مش شايفاني اصلا... لو ثبت نفسي قدامك هقدر اثبت نفسي قدامي...
حسناء بنبدأ شغل الساعة سبعة الصبح لحد الساعة اربعه... مبحبش التأخير....
زين بإبتسامه وعندي طلب كمان..
حسناء لا ي رب نخلص بقي!!
زين سامحيني علي اللي عملته في المستشفي... انا فعلت ندمان...
حسناء حصل خير...
زين طب والدك اخباره اي
حسناء الحمد لله عدت علي خير وخرج من المستشفي من يومين...
زين ممكن ازوره...
حسناء اتفضل... تقدر تقعد معاه بس انا عندي حصة...
زين هسلم عليه وامشي علطول...
حسناء تمام...
رجعت تاني للحصة وانا مروحتش لوالدها... فضلت شوية واقف بتفرج عليها وهي بتسمع للأولاد واللي بيجاوب صح بتديله شكولاته صغيرة وتخلي الكل يسقفله.... 
البنت البسيطة دي فهمتني انه مينفعش نحكم علي الشخص من مظهره... 
الشخص اللي بتبقي هدومه متبهدله من شغله مش معناه انه معدم وانه محتاج يمد ايده... 
بالعكس ممكن يكون معاه اللي مكفية وزيادة وعايش حياة بسيطة... مبيتفاخرش بماله وبيعتبره شئ ثانوي في حياته.... 
لا بيفكر يشوف نفسه ب براندات ولا بعربيات... بيحب البساطه ومكمل فيها.. 
حسناء علمتني ان البنت تقدر تعمل كتير اوي... علمتني بجانب انها ام ومربية أجيال... انها تقدر تكون الأسطي حسن.... 
انا بتمني في يوم ربنا يرزقني ب واحده زي حسناء في حياتي... 
لا أنا بتمني حسناء... بتمناها... وبتمني ضحكتها الحلوة تنور حياتي... 
أنا زين حبيت الأسطي حسن صاحب الورشة.... 
زورت والدها وسلمت عليه واتعرفت عليه وبدأ يحكيلي عنها....
أحمد حسناء بنتي الوحيدة.. والدتها سابتهالي امانه وراحت للي خلقها من بدري أوي... حبيت احافظ علي الأمانة دي.. خۏفت اجيبلها واحدة علي اساس تكون ام وفي الاخر تبقي مرات أب وبنتي تتعقد... و بيني وبينك انا مكنتش هقدر احب غير ام حسناء... 
كنت باخدها معايا الورشة... ايام مكانت ورشة صغيرة في دكانة.. اصغر دكانة