قضية طلاق

هرجع فيها ادخلى جهزي شنطنك 
طب ممكن بس انزل اشتري شوية حاجات للبيت قبل ما يجى 
نص ساعه وتكوني هنا انتي فاهمه 
حاضر 
تيليفونى رن وكان أحمد حاولت اتصرف المرادى بذكاء 
ألو ... أزيك يا حبيبتى 
أحمد ! حبك برص يا شيخ عايز منى ايه
انا هعتبر نفسى مسمعتش حاجة .. جهزى شنطتك يا مدام عشان خلاص انا راجع من اسكندرية ساعة وأكون عندك 
أنت صدقت الكدبه وعيشت فيها انا ازاي كنت مخدوعة فيك كدا اناني ومتملك ومعندكش انسانية رايح تطلبنى ف بيت الطاعة ورافع عليا قضية وعايزنى ارجع معاك البيت لا ومش بس كدا كمان مفهم ابويا انى مطهقاك ف عشتك يا حيوان ... دا انا خارجه من عندك وانت مطلقني ازاى تفكر تعمل فيا كدا 

طلقتك اه بس رديتك تاني ولا ايه
وانا مش هرجع معاك غير لما اتاكد انك اتنازلت عن المحضر 
وانا موافق ربع ساعه وهبعتلك صوره من المحضر انه اتقفل ... متعطلنيش بقا عشان سايق ... سلام يا روحى 
قفل معايا وانا كنت متعصبة اوي من اسلوبه بس مفيش وقت للتوتر والعصبية ... لازم الحق البس عشان انزل 
يدوب لبست ولاقيت صوره من المحضر مبعوتالي عالواتساب مختومه وبتأكد انه اتنازل عن المحضر 
نزلت بسرعه وانا كلى حماس ومعايا دليل دلوقت واقدر ارفع بيه قضية خلع ...
في مكان آخر 
الو ... اي يا روحى فينك 
انا موجوده اهو بس اللي يسأل 
ڠصب عني يا قلبى ماهو لو تعرفى ظروفى هتعذرينى 
طب ايه مش هشوفك النهارده وحشتني 
انتى كمان وحشتينى يا روحى احلى سهره هتحصل النهارده بليل
ماشي يا بيبى هستناك 
رجع الحاج محمد بيته كالعاده عمال يزعق ف مراته من غير سبب منطقى واقعى لكن طبعا بالنسباله هو عنده سبب انا بتعب فالشغل عشان اجبلهم الفلوس وهى قاعده هنا مبتعملش حاجة ... هي بتحس بحاجه ولا بتتعب ف حاجة 
بنتك فين 
زمانها جاية بتجيب طلبات لبيتها وجاية 
قال يعنى بتطبخ اوى ... ماهى ملقتش ست بيت تتعلم منها ازاى تعامل جوزها قبل ما تتجوز 
انا داخلة المطبخ اشوف الغدا مش قادرة ارد عليك .
فى المحكمه
يعنى ايه 
يعنى لحد دلوقت انا مقدرش اساعدك انتي جاية تضيعى وقتك ومش هتستفيدى حاجة 
طب وايه الحل 
الحل انك .......
قضية_طلاق_فى_المجتمع_المصري 
تسنيم_حسن 
بعتذر جدا عن التأخير لظروف خارجه عن ارادتي 
وشكرا جدا لدعمكم وأرائكم الجميلة 
وعلى فكره التفاعل عالفصل التالت قل خالص عايزين بقا نرجع التفاعل زي الاول وأكتر 

تسنيم_حسن 
قضية_طلاق_فى_المجتمع_المصري 
الفصل الخامس 
ليه مش هتقدر تساعدنى انا جايبلك مكالمه مسجله بصوته فيها كل الادله 
التسجيل دليل غير قانوني ولو قدمناه للمحكمه ممكن يقدم فيكى بلاغ انك مسجله بدون اذنه .. احنا هنرفع قضيه خلع من غير ذكر الدليل ده ... هنكتب بس اسبابك المنطقيه ... الموضوع هيطول شوية بس ان شاء الله يتحكملك بالخلع 
طب انا جوزي المفروض مستنيني فالبيت عشان ارجع معاه ومش عارفه اعمل ايه 
لا دي مشكلتك حاولى تحليها انتى بقا 
طب لو رجعت معاه .. دا هيأثر على الاجراءات وايه المطلوب
لا مش هيأثر على الاجراءات وف الغالب احنا مبنجتاجش لأدله احنا هنرفع قضية خلع ونقول في الصحيفة الدعوية استحالة العيشة معاه وانه اصلا كان رافع دعوة بطلبك ف بيت الطاعة بأدلة غير حقيقية ... وان شاء الله يتحكملك بالخلع 
ان شاء الله ... عن اذنك 
في البيت 
اتاخرتي كدا ليه ياختى 
معلش يا ماما يا دوب جيت علطول اهو والله 
طيب شوفي يلا هتعملى ايه 
حاضر ... ماما 
نعم عايزة ايه 
انا اسفه 
على ايه هو حصل ايه بالضبط عشان تتأسفى عليه 
على اخر مره لما كلمتك ... انا عارفه اني غلطانه ومهما حصل ميحقليش اكلمك بالطريقة دى ... سامحينى يا ماما انا بس كانت نفسيتى تعبانه ومكنتش واعية للى بقوله 
انتي مغلطتيش يا نيرة ... انتى قولتى الحقيقة انا مكانش ينفع اكمل مع ابوكى على امل اني اوفرلك حياة فيها اب وام مع بعض ... مكنتش اعرف ان كل دا هيحصلك كنت فاكرة انى كدا بحافظ عالبيت وعليكى 
طب وليه هترجعينى لجوزى ڠصب عنى طيب
مش معني اني معترفه اني غلطت انك كدا مغلطتيش لما سيبتى بيت جوزك من وراه وأهملتيه واضطرتية يطلبك في بيت الطاعه 
يا ماما انا بنتك اللى ربتيها على ايدك انتي تصدقى اني عملت كدا وحتى لو دا حقيقى مكلمكيش ليه سواء أنتى او بابا الاول يشتكيله ويشوف حل ! 
مش هيفرق اصدق ولا لا .. ابوكى مصدق وبعدين