اوقعت في شباكه

الواسع كان لايق عليها قلبي دق جامد لما شافها هي دي شهد طلعت جميلة جدا في الفساتين .اتضايقت من تفكيري وقلبي اللي دق بسرعة ووديت وشي الناحية التانية .قربت مني مبتسمة وقالت
مساء الخير 
اللي انتي لابساه ده انا حددتلك تلبسي ايه صح ولا لا ليه ملبستيش الطقم اللي اختارته 
انا حرة 
ايه !!
ببساطة انا حرة انت مش هتتحكم في لبسي كمان ما دام محترم يبقي ايه المشكلة .بتمني بس تخلي بالك من لبس مراتك التانية 
 وبعدين سابتنا وسبقتنا 
قالتها سها بصت لشهد وقالت
ده قريبك يا بت 
ايوة 
يخربيت جماله هو ده وقته مصري ده 

مية في المية 
قالتها شهد وهي بتضحك 
عمار يا مصر لا حقيقي عمار يا مصر هو فيه حد بالجمال ده انا لو اتجوزته مش هطلعه
هخاف عليه
ضحكت شهد وقالت
عندك حق هو وسيم فعلا 
انا كنت هتشل منهم..ازاي شايفينه وسيم .ده مفهوش ريحة الحلا حتي .هو عشان شعره اسود وناعم وعينيه بني واسعة وعنده غمازات يبقي حلو .ذوق النسوان حصله ايه 
هو مرتبط يا بت يا شهد 
لا هو سنجل بس انتي متجوزة وجوزك جنبك احترميه شوية
بصتلي سها وقالت
لا ما هو 
بصتلها پغضب فقالت بتوتر
للاسف جوزي 
بصيتلهم پغضب وقولت
بطلوا سهوكة انتي وهي ويالا امشوا نقعد بدل ما ادفنكم هنا 
راحت سها اول. واحدة وسلمت عليه وهي فرحانة 
ازيك يا يا استاذ حسن انا سها عندي ٢٧ سنة وسنجل 
حطيت ايدي علي راسي بسبب غبائها بصلها هو پصدمة وقال
مش انتي مرات امير 
ده 
روحتلها قبل ما تغلط اكتر ومسكت ايديها وانا بقعدها
مفهوش غلطة يا امير .مفهوش غلطة انا عايزة اتجوزه 
اسكتي الله يخربيتك فضحتينا 
سلمت شهد وهي بتضحك علي حسن وسلمت انا عليه 
..براقب هزار شهد وحسن حتي سها بدأت تهزر معاه .الراجل ده بيمثل خطړ عليا شهد منبهرة بيه جدا دي حتي مبصتش عليا اهتمامه بيها اخدها مني خالص .اشتغلت موسيقي .بص حسن وقال
لسه هترد رديت انا ببرود وقولت
مش ملاحظة أن قريبك زودها مفروض يحترم وجودي 
مردتش عليا 
انا ممكن اكسر رأسه علي فكرة انا محبش حد يقرب علي حاجة بتاعتي 
قولتلك مش هكون مراتك لفترة طويلة .بعد شهر العسل هنتطلق 
وبعدين سابتني وكانت هتمشي..
مسكت ايديها واخدتها برة المطعم بسرعة 
بعد ما طلعنا في حديقة المطعم قالت
انت ايه مشكلتك بالضبط
مش عايزك تشوفيه