رواية ياسين

التي تتحمل آلامها لكي تجلس معه و تطمئن علي احواله وتدعو له بصلاح حاله.
ابتسمت له عندما وجدته يهبط الدرج وعلى وجهه ابتسامه مشرقه كشروق الشمس ينير عليها حياته..
عامله أيه يا ست الكل وإزاي صحتك النهارده.
ردت عليهم بابتسامتها الحنونه وهي تمرر أناملها على ذراعه مردفه 
الحمد لله يا ابني .. أنا بخير طول ما أنت بخير..
أكملت وهي تنظر داخل عدستيه لكي تتأكد من ظنها بأمنيه طال إنتظارها 
نفسي اعرف أيه سر السعاده والابتسامه الجميله دي.. مش ناوى تفرح قلبي بقي يا حمزه بجوازك.. ھموت قبل ما أشوف ولادك يا ابني .

رد عليها بفزع قائلا 
بعد الشړ عليكى ياأمى .. متقوليش كده أنا عايش بنعمة دعواتك ووجودك فى حياتى....
بسط يده وامسك فنجان قهوته أرتشف منه وهو يتذكرها مردفا 
ادعيلي حضرتك يا ست الكل ربنا ييسر الحال.. وأنتى هتلاقي ضحكتي وروقاني دوول على طول.. وأن شاء الله أسعدك....
انفرجت أساريرها وخرج صوتها هادئ متزن بحنان تدعو الله ان يرزقه بزوجه صالحه .
استقام والتقط أدواته من على الطاوله وقبل رأسها قائلا 
أمي أنا ممكن أبات بره النهارده اذا اتاخرت لو سمحتي خدي ادويتك في ميعادها....
ثم حول نظره الى الداده
الواقفه بجوار والدته مردفا بتوصيه 
دادا مش هوصيكي على ماما.
اشارات بابهامها على مقلتيها هاتفه من عيني يا حمزه باشا.
أمرت الداده أن تأخذها الى غرفتها لكي تستريح...
صعد سيارته التي أحضرها له حارس الأمن أمام باب الفيلا الداخلي.. ألقى التحيه عليه واستقلها يقودها بهدوء.
مد يده على المسجل ليقوم بتشغيل إحدى الأغاني التي يفضلها والتي ذكرته بها عندما ظهرت أمام سيارته تهرول من شيء يجهله.. كاد يصدمها لولا القدره الالهيه العظيمه..
باستمتاع أخرج صفير متناغم مره اخرى لكن متماشي مع لحن الاغنيه التى تعبر عن حاله....
ظل يفكر في حوريته التي ظهرت واختفت فجأه ولم يعرف عنها شيئا سوى ملامحها الهادئه الجميله وزرقوتيها الباكيه....
وصل الى وجهته فى أرقى حي من أحياء مصر الجديده والذي به هيئه حكوميه يقوم بالتفتيش عليها بصفته وكيل النيابه الإدارية وجد المساعدين يقفون ينتظرونه أمام احدى المصالح الحكوميه التي يقوم بالتحقيق فيها.. نظرا لاختلاس بعض الموظفين من أموال الدوله..
القى عليهم التحيه ودلف إلى الداخل وهم ورائه..
كانت طلته خاطفه ترجف القلوب بين الضلوع....
صعدوا الى المكتب المخصص لهم وكلا منهم يتخذ مكانه ليباشر عمله.... 
في نفس الأثناء كانت ترتب المنزل وتعطي لجدتها أدويتها هاتفه بحب 
جدتي أنا كده خلصت كل حاجه.. حضرتك عاوزه مني حاجه قبل ما انزل...
ابتسمت جدتها تلاقئيا وهي تمرر أناملها على خصولات شعرها قائله بحنو 
لا يا قلب جدتك مش عاوزه حاجه ياحبيبتي..
تابعت حديثها باستفهام 
هتنزلي بردوا تفتحي الكافيه لوحدك.. لسه مفيش حد عاوز يجي يشتغل معاكي...
ردت عليها بيأس قائله 
هو طول ما عمي وابنه حازم بيجوا يعملوا مشاكل ويضربوا العمال ويطفشوا الزباين.. أنا هلاقي حد يشتغل معايا أو حتى يدخل يشرب قهوه..... 
أنا تعبت بجد يا جدتي مبقتش عارفه اعمل أيه.. بفكر اسيب ليهم كل حاجه.. البيت والكافيه ونروح نأجر شقه في أي مكان.. واخليهم يشبعوا بكل حاجه.. أنا تعبت من البهدله والاهانه بتاعة كل يوم.....
قبضت جدتها على أناملها بقوه هاتفه بتحذير 
إياكي تعملي حاجه من دي حتى لو فيها موتك..
أبوكي الله يرحمه وأمك تعبوا لحد ما عملوا ليك الشقه دي والكافيه.. 
واللي أخذه عمك من أبوكي قد اللي عندك مرتين وثلاثه.. أ
استرسلت توضح لها 
أبوكي كان عارف أن عمك هياخد كل حاجه ومش هيديك حاجه.. عشان كده أبوكي أتنازل عن حقه في ميراثه من جدك مقابل أن عمك يسيب لك البيت.. إللى أنتى اتربيتي فيه والكافيه اللي بتحبيه.. ونصيب ابوكي من جدك كان قد نصيب عمك
يعني اللي خدوا كفايه وبزياده كمان.. بس أبوكي من طيبة قلبه وثقته فى عمك مخدش الورق إللى يأمنك من طمع عمك ويضمن حقك.. والقدر قال
كلمته والعمر كان قصير ..
عقبت بمراره 
ياما قلتله يمضيه على تنازل فى حقه الشرعي.. فى حالة لو قابل رب كريم مقابل الورث إللى أخده من جدك .. ولكن ديما كان يقولى مش معقوله هخون أخويا
ياأمى...
تابعت بحسره 
هو ياحبيبى كان مأمن جدا.. أنا بس إللى كنت شايفه إللى فى النفوس.. الله يرحمه كان أحن خلق الله.. راح وسابنا للجاحد أبو قلب حجر...
اتفطر قلبها