ڼار الحب و الحړب لايمان حجازي

 

به ذلك
نظرت لها سهيله أيضا بإشمئزاز وغيره وضيق وهي تتحدث مع علي 
بقي دي مراته ! شاف فيها إيه
دي حلو ! نظرت إليه وبعدين ما أنت اللي غبي ! رايح تقولها بحبك وعايز أتجوزك مره واحده كده المواضيع دي مبتجيش كده كنت علي الأقل
لمحتلي انا وانا كلمتها 
أستدار علي پغضب شديد مكتوم الي جهازه وهو ينهي الأمر 
بقولك إيه قفلي علي الموضوع ده ! فضيها سيره ماشي 
نظرت له سهيله بحزن لما اصابه ثم عادت تنظر لزينه بتبرم وڼار كانت مشتعله لم تهدأ أو تنطفئ حينما عرفت انها زوجته 
وبعد عده ساعات بعدما أتي وقت الراحه نظرت زينه لهاتفها فوجدت عمار يتصل بها دق قلبها سريعا ووصلت أبتسامتها لأذنها وأسرعت تجيبه 

عمار !
وحشتيني يا قمر
وأنت كمان وحشتني اوي أنت عارف معاد البريك بتاعي !
أه طبعا معاد البريك ومعاد صحيانك من النوم وحتي المعاد اللي هتنامي فيه
امممم يعني انت اللي كنت واقف تحت بتبص لي وأنا في الشباك بتاعي !
اه الشخص اللي انتي شاورتيله بإيدك ده وقام سابك ومشي وهو بيضحك !
اه
لا مش انا 
ههههههههههه
المهم فطرتي !
لأ والمفروض انزل اكل دلوقت !
طيب نفسك تاكي إيه 
والله يا عموري لو هتقولي نفسك إيه هقولك يا سلام لو قدامي كده كريب وشاورما سوري مع بطاطس وتوميه وكاتشب اممممم ولا اروع وميحلاش الأكل ده غير وأنا بحبس بشويبس اناناس يااااااه نفسي رايحاله بشكل غريب 
أقفلي يا زينه انا غلطان إني سألتك !
ههههههههههه انت مبتحبش الحاجات دي !
مش حكايه مبحبهاش بس امبارح الولاد قالوا معتز جابلهم فراخ وكده قفلت اسالك لو عايزه ! حبيبتي احنا في سيناء واقرب حاجه مننا ممكن يكون فيها فراخ أو لحمه ومشتقاتها كده يعني لكن كريب وشاورما الحاجات دي عايزه حد ينزل لك القاهره مخصوص 
آتاه صوت زينه حزينا 
اه طيب ماشي خلاص انا هنزل اكل اي حاجه بقه من تحت
طيب بقولك !
نعم !
متاكليش دلوقت لو جعانه أوي كلي بسكوت ولا حاجه عشان انا كمان جعان وعايز اكل معاكي
فرحت بشده 
بجد ! هتعرف تيجي تاكل معايا !
هعرف !!!!
قصدي يعني عشان شغلك وكده !
ملكيش دعوه المهم لما ارن عليكي تنزليلي حتي لو كان معاد شغلك 
حاضر
أغلقت المكالمه وأقتربت منها إحدي المهندسين التي تعمل معهم أيضا تدعي فاطمه 
زينه !
انتبهت لها زينه بضحكه واسعه فتعجبت فاطمه بشده وضحكت هي الأخري
اول مره اشوفك بتضحكي كده !
مش عايزاني اضحك ولا إيه 
لا طبعا يا حبيبتي اضحكي دايما ضحكتك جميله وانتي اجمل
تسلمي يا فاطمه ! خير كنتي عايزه حاجه !
كانت فاطمه تحاول التودد إليها دائما منذ اليوم الأول التي دلفت به وعملت معهم حينما رأتها حزينه ولكن زينه لم تكن تسمح لها أو لغيرها بأن يقترب منها وما أن راتها فاطمه اليوم بتلك الحاله حتي أسرعت إليها وتحدثت معها 
كنت جايه ابارك لك بيقولوا انك أتجوزتي المقدم عمار !
نظرت لها زينه بتعجب 
مين اللي بيقول !
الكل هنا يا بنتي سهيله تقريبا مسابتش حد إلا وقالتله 
ضحكت زينه مسرعه بدهشه 
مش فاهمه يعني هي تقصد ايه انا عن نفسي كنت هقولكم عادي وهبلغكم بمعاد الفرح لما يتحدد أن شاء الله
إيه ده يعني أنتو مش متجوزين !
لا كاتبين الكتاب من زمان لكن لسه الفرح مش دلوقت
ابتسمت لها فاطمه بحب وفرح وفضول 
الف مبروك يا زينه بجد فرحتلك أوي بس ده حصل إزاي يعني المقدم عمار الكل يعرف أنه صارم اوي في موضوع البنات أو الجواز أو أي حاجه انثويه ! بجد انتي محظوظه 
تنهدت زينه بغرور قليلا 
إنه الحب يا فتاه !
ضحكت فاطمه أيضا مردده 
الحب والمقدم عمار ! لأ ده انتي لازم تحكيلي بقه !
ابتسمت زينه أيضا ونظرت إليها وشعرت بأنها فعليا تريد أن تخبر الجميع قصه حبهم وكم أنها تحبه وكذلك هو تجمعت بداخلها سعاده كبيره وهي تنظر لفاطمه التي
شعرت بطيبه قلبها وحبها الحقيقي في ولكنها من كانت ترفض ذلك ولكن أرادت هي الأخري وتنهدت بحب مردده
بما اننا بريك ومش هنزل اكل فهحكيلك يا ستي !
بعد مرور أكثر من ساعتين شعرت زينه بالجوع الشديد فتركت ما أمامها وتنهدت بضيق أمسكت الهاتف وقامت بالاتصال بعمار ولكن وجدته مغلق اقتربت منها فاطمه بضحك 
علي فكره ممكن تاكلي اي حاجه تصبيره يعني !
هزت زينه رأسها بالنفي 
لأ مش عايزه ! هو قالي كلي بسكوت بس انا حاسه اني مليش نفس ليه أو بمعني تاني مليش اكل غير معاه بعد ما عشمني حتي لو هناكل مع بعض بسكوت برضه
يا سيدي علي الحب ! بس خدي بالك انتي محكتليش بالتفصيل هه ! شقلبتيني كده كلمتين والسلام !
ضحكت زينه واضافت 
في حاجات خاصه بيني وبينه اكيد مش هتعرفيها انا قلتلك قابلته ازاي وفين وكنت بحبه من أمته واحداث سريعه لكن تفاصيل لا طبعا معلش ! 
ماشي يا ستي وانا راضيه بقليله ربنا يسعدكم المهم هتعملي ايه هتفضلي جعانه كده !
معرفش بق 
وقبل أن تجيبها وجدت عمار يتصل مره أخري 
انزلي بسرعه انا مستنيكي تحت 
شعرت زينه بالتوتر وأخذت تنظر حولها 
أنزل ازاي ومدير الوحده لو لقاني متغيبه أعمل إيه !
ملكيش دعوه وإنزلي يلا متبصيش لحد ولا تلفتي النظر ليكي اتعاملي طبيعي 
نهضت زينه من مكانها وأسرعت تعدوا بخطوات ثابته وقلبها يدق مردده 
انا نازله اهوه بس متقفلش المكالمه خليك معايا
مش هقفل بس يلا انجزي
أسرعت زينه ولم تكترث لمن ينظر إليها أو يسأل الي اين هي ذاهبه في حين أسرعت سهيله ونظرت لفاطمه بخبث 
هي زينه رايحه فين !
اجابتها فاطمه بإقتضاب 
معرفش ما تسأليها 
متعرفيش برضه ! ده انتي منزلتيش البريك وفضلي لوك لوك انتي وهي مبطلتوش ده تلاقيكي عرفتي تاريخ حياتها الا قوليلي يا بطه هي بجد متجوزه المقدم عمار ! يعني ده حصل ولا يعرفوا بعض من أمته
نفخت فاطمه بضيق وتركت الجهاز الذي أمامها ونظرت إليها 
انا من رأيي تركزي في شغلك عشان المدير لو لقاكي مش ف مكانك مش هيحصل طيب ولما زينه ترجع ابقي أسأليها ماشي ! ده لو كنتي هتتجرأي يعني بعد ما عرفتي هي تبع مين ! 
وبالخارج ما أن نزلت زينه إلي الأسفل حتي وجدت عمار يقف أمامها اتسعت ابتسامتها وكذلك هو وأمسك بها من يديها 
تعالي يلاا
بالراحه بس هنروح فين ! اكيد مش اوضتك
لأ ده هنا عشان انتي مينفعش تغيبي اكتر من تلت ساعه
دلف عمار وهي معه الي غرفه صغيره نوعا ما بنفس المبني واغلق الباب خلفه وما أن دلفت زينه اليها حتي تسلل
لانفها رائحه جعلتها تذوب من شده الشهيه نظرت لعمار سريعا وأشارت بيديها في تحذير مفرح
لأ اوعي تقول ! انا شامه ريحه شاورما صح !
نظر عمار علي يمينه وتقدم خطوتين وهو يشير إلي الأطعمه وأخذ يفتحها كلها 
شاورما وكريب وبطاطس كاتشب وتوميه وشويبش اناناس حاجه تانيه يا فندم نسيتها !
صړخت زينه في انفعال شديد وأخذت تتنطط علي قدميها
غير مصدقه 
عااااااااااااا !! انت عملتها بجد 
بحبك بحبك بحبك
انزلها عمار سريعا مرددا 
أنزلي يا مجنونه والحقي كلي قبل وقتك ما يخلص لو التلت ساعه خلصت انا مش مسؤول
نظرت زينه للطعام بفرحه وشهيه كبيره وما أن لامسته بيدها حتي ابعدتها 
احح سخن أوي ! إنت عملتها إزاي مش قلتلي لازم تنزل القاهره
ولا لقيت محلات هنا !
ولم تكمل حديتها حتي لفت انتباهها ذلك الأسم المدون علي علب الاطعمه ورددت بذهول 
كرم الشام ! ده من القاهره فعلا نزلت القاهره ولا حد جابهالك ! ايه ده دول يدوب ساعتين واحنا عايزين يوم بحاله عمار بجد عملتها إزاي 
ضحك عمار بمراوغه 
انتي هتاكلي وإنتي ساكته ولا امشي واسيبك !
هاكل والله بس قولي إزاي !
بس لما تروحي بطياره أكيد الوقت هياخد اقل من كده كمان
نظرت زينه إليه في 
طياره !!
اه هليكوبتر تبع الشغل ولو اللواء نزيه عرف هينفخني ههههههههههه ! بس ولا يهزني انا كمان بصراحه لما سمعتك بتتكلمي عن الشاورما والكريب نفسي راحت لهم المهم تعالي يلا كلي بسرعه قبل ما تبرد
يلا بقه !
أمسكت زينه الطعام وتركته سريعا حيث أنه مازال ساخنا ورددت 
عمار سخن أوي ! مش عارفه امسكه انت كمان حاطته في حافظ حراري !
تناوله عمار بيديه وأخذ يبرده لها ثم قطع منه قطعه صغيره ووضعها بحنان 
دوقي كده !
تلذذت زينه بشهيه كبيره مردده 
مممممم تحفه 
وبعد قليل أصبح دافئا وشرعوا في تناوله بمفردهم ولكن بين الحين والأخر كان عمار يطعمها بيديه وهي كانت تفعل أيضا ذلك
هيمن الحب والضحك بينهم وغمرت قلوبهم الفرحه الشديده إلي أن انتهوا وصعد بها عمار أمام الجميع بعدما استغرقوا أكثر من نصف ساعه 
دلف ممسكا بيدها امامهم وودعها وهو يخبرها بأنه سيراها مره اخري بالمساء 
شعرت زينه بالفخر الشديد وأخذت تتنهد بحب وسعاده بينما زاد الحقد والضيق في قلوب البعض وهو يرمقونها بغيره وڠضب ولكن كعادتها لم تكترث أو تهتم لأحد طالما هو بجوارها 
وبعد مرور أسبوع تم إعدام كل من محمد وكذلك ابو الدهب بعدما انتهت التحقيقات وأصدر الحكم عليهم بالقصاص 
فتلك كانت نهايتهم ونهايه كل من يتعدي علي أمن بلده القومي ويتجرأ لخيانتها 
وعلاقاتها بكل الدول العربية التي اتخذت مصر حيث كانت راس الهدف وتحديدا سيناء النصيب الأكبر من خطرها 
نهض معتز سريعا إليها ما أن رآها تبتعد حينما رأته ينظر إليها وأستوقفها من ذراعها وتوقف بها علي جنب مرددا 
أستني بس ! يعني جيتي وهتمشي كده من غير حتي ما تكلميني !
نظرت له بسنت بعتاب 
عشان انا مش فارقه معاك ولا فارق حتي تشوفني أو لأ !
ضحك معتز حينما شعر بضيقها وعتابها له فردد 
وطبعا أنتي اللي فارق معاكي عشان كده بتيجي علي طول تبصي وتمشي صح !
هزت رأسها سريعا بنفي كاذب 
لأ طبعا ! 
طب عيني في عينك كده 
نظرت له بسنت بغيظ شديد 
أنا ماشيه بعد أذنك !
استوقفها ممسكا بذراعها مره اخري بعدما استفزها بضحكه وما أن توقفت حتي صړخت پغضب مكتوم 
سيبني يا معتز لو سمحت !
بوصيلي بس !
أستدارت له بسنت وربعت ذراعيها ولوت ووجهها ممتعض ولم تنظر إليه بينما خرج صوت معتز بحب 
وحشتيني ! 
نظرت له بسنت سريعا بضيق شديد وڠضب ووضعت يدها في وسطها 
كداااب وانت عارف انك كداب ! بأماره إيه هه بأماره ما سبتني عشر أيام برن عليك مبتردش ومعظم الوقت مقفول ولا عارفه اشوفك وبما انك كنت عارف إني ساعات باجي ابص عليكم من بعيد مجتش ليه وكلمتني
! وحشتك باماره إيه فهمني قال وحشتك قال حلوه دي !
أمسك معتز بيديها بقوه كي يمنعها من تلك الشعننه والجنون علي الرغم من أنها كانت تسعده بقوه وهو يراها مشتاقه له وتخرج غلها به بأي طريقه ما أن رأته معتز يقيد يديها حتي رمقته بغيظ شديد 
هي كلمه واحده وعايز اسمعها منك