خادمة بموافقة ابي لـ اماني السيد الحلقات 8-9-10

ولا لا اعترافك بيا مش هيغير حاجه
هروح اخلص إجراءات جواز السفر وبعدين هبلغك 
مش محتاجين كل ده انا حجزت طياره خاصه بسرعه يلا هاتى حاجتك عشان نلحق نسافر مافيش وقت 
هدخل اجيب شنطتى و هاجى معاك بس عشان بابا اطمن عليه 
دلفت شيماء لغرفتها وجمعت الاشياء المهمه فى حقيبتها وداخلها قلق كبير على والدها ودموع تأبى النزول من عينيها 
انتهت من جمع اشيائها وذهبت برفقه يعقوب وبداخلها صراع هل تسأله عن والدها وكيف علم مكانها بتلك السهولة ام تصمت وتتجنبه 
قررت تجنبه فى الوقت الحالى عليها الآن أن تطمئن أولا على والدها 
فى الجهه الأخرى جمعت سماح نادين وعدى وقررت ان تبلغهم بحقيقة شيماء ومرض والدهم الذى إلى الآن لا تعلم ما هو 
جلسوا جميعا فى غرفه سماح منتظرين حديثها وعندما ساد الصمت والتوتر قطعه عدى متسائلا
يا ماما جمعنا شنطنا زى ما طلبتى ظننا وقولتلنا هقولكم كل حاجه لما تخلصوا ويعقوب كلمتى وقالى كلها ٣ ساعات ونسافر المانيا واحنا مش فاهمين حاجه يعنى فاضل ساعه ونتحرك واحنا على عمانا كده 
بصوا باباكوا تعبان جدا وكان مخبى عننا الفتره اللى فاتت حالته الصحية وهو انهارده كلمنا وكلب مننا نروحله كلنا فى اقرب وقت انا وانتم و .. وو 
وايه يا ماما 
وشيماء كمان 
تحدثت نادين باستفسار 
شيماء مين الشغاله الجديده 
اه
اكمل عدى السؤال 
وشيماء تسافر معانا بصفتها ايه 
أختكم 
تحدث عدى ونادين فى نفس الوقت 
نعم إزاى يعنى 
دى الحقيقة شيماء اختكم وباباكم عاوزكم كلكم ضرورى 
تحدث عدى بعصبيه مفرطه 
أنا عايز افهم شيماء دى اختنا ازاى وامته وهو بابا أصلا اتجوز حد غيرك ولا كان بيلعب بديله ودى جت غلطه منه فبيدبسنا فيها دلوقتي بعد ما ضميره صحى 
لم تستطع سماح السيطره على ڠضبها فيكفى ما بداخلها من
ۏجع وقامت بضړب عدى على وجنته 
احترم نفسك وانت بتتكلم عن ابوك ابوك ده اشرف انسان في الدنيا بحالها المفروض إنك تكون واثق من كده وحوار شيماء ده حوار طويل يطول شرحه وأحنا معندناش وقت وقبل ما تتكلم اعرف انت بتطلع ايه من بقك وواقف تتكلم قصاد مين بالطريقه دى وإذا كان الوقت يسمح ولا لاء 
صدموا جميعا من رد فعل سماح وخاصه عدى
حاولت نادين تهدئه الوضع لحين وصول يعقوب 
طيب اهدى يا ماما أنا عارفة انك متوتره واحنا كمان بس لحد ما يعقوب يجيى احكيلنا شيماء دى اختنا ازاى وهل يعقوب كان عارف عشان كده واخد الموقف ده منها 
اه يعقوب عارف من ساعه ماجت البيت عارف عنها كل حاجه 
وظلت تقص لهم الماضى ولكن بطريقة مبسطه حتى لا تجعلهم ينفروا منها كما فعل يعقوب وبنفس الوقت كانت تقص لهم الحقيقة حتى تضمن إذا حاول يعقوب حكى أى شئ عنها يكونوا على علم مسبقا ولا ينساقوا لحديثهم فهم بالأول والآخر أخوه حتى لو لم تتقبل هى او يعقوب ذلك الوصع 
تحدث عدى بنبره لائمه 
طيب ليه محدش بلغنا وسابلنا القرار إذا كنا نتقبلها ولا لاء انا حاسس إن راسى واقفه مش عارف اتعاطف معاها على وضعها ولا اكرهها بسبب الماضى بتاع والدتها وهل انتى تقبلتى الوضع لكيد لا لو كنتى تقبلتيه مكنتيش شغلتيها خدامه طول الفتره دى وعشان كده يعقوب كان بيعاملها وحش ومحذرنا أننا نقرب منها
ظلت نادين صامته المفاجأة جعلتها لا تستطع اخذ قرار لا تعلم ما المفترض أن يحدث 
هل تقترب من اختها أم تبعد وتظل كما قرر يعقوب 
ظل الصمت مسيطى على المكان 
ثم ذهب الجميع بعد ذلك لوضع باقى الاشياء فى الحقائب وظلوا يفكروا فى حديث والدتهم
اتى يعقوب ودلف